Os veciños afectados pola construción do Parque Ofimático –actual barrio de Xuxán– recuperarán a titularidade das parcelas onde teñen situadas as súas vivendas tras chegar a un acordo co Concello da Coruña.

Así o anunciaron en rolda de prensa a alcaldesa da cidade herculina, Inés Rey, e o concelleiro de Urbanismo, Francisco Díaz Gallego. “O acordo xa está asinado por parte do tres familias afectadas, agora temos que levalo a Xunta de Goberno local”, sinalou Díaz.

O concelleiro explicou que o Concello mantén “exactamente” os metros cadrados dotacionais do polígono “pero cunha reordenación das parcelas que hai que modificar no plan parcial”.

A alcaldesa, pola súa banda, recalcou que este acordo soluciona un conflito “aberto hai máis de 15 anos” cando a construción do parque implicou que se desafectaran varias casas da marxe dereita de Alfonso Molina en sentido saída. Aos seus donos compensóuselles con edificabilidade.