A Mesa Nacional de VERDES EQUO Galicia decidiu continuar a colaboración do partido verde e a candidatura de confluencia Marea Atlántica, como xa ocorreu nas eleccións municipais de 2015 e 2019.

”Con este espazo de confluencia pretendemos acadar o respaldo necesario para voltar ao goberno local da Coruña e continuar co proxecto de cidade participativo, transformador e de adaptación ao futuro”, explican dende o grupo, que se suma así ao proceso de elaboración do programa que comezará o 4 de Febreiro no Centro Cívico de Monelos.