Un veciño de Miño, Minguel Anxo Abraria, comeza mañá unha folga de fame diante da Delegación do Goberno na Coruña para reclamar o cumprimento dos prazos administrativos marcados pola lexislación. “Un dos dereitos vulnerado de xeito reiterado polas administracións é o cumprimento dos prazos no trámite dos expedientes para as solicitudes de licenza de obra, establecido en tres meses“, explica.
No caso de Miguel Anxo, vive unha demora de case catro anos por parte da área de Urbanismo do Concello de Miño ante a tramitación dunha licenza de obra maior solicitada no 2019. “A folga de famen ten entre os seus obxectivos que o alcalde de Miño me reciba e dea explicacións en persoa dos motivos polos que o meu expediente fique sen resolverse”, apunta Abraira.
Con esta iniciativa quere esixir os motivos do retraso da súa tramitación, así como a filtración á prensa por parte do Concello “de expedientes persoais” e comunicacións de requirimento á marxe da lexislación. A folga de fame, que comezará mañá ás 17.00 horas, contará cunnha pequena concentración de persoas, que se repetirá o sábado ás 20.00 horas.
CONSECUENCIAS PARA A CIDADANÍA
“A folga de fame non peresegue solucionar o seu problema en concreto, é o berro dun cidadá farto de que se pisen os seus dereitos mentres as adminsitracións incumpren as súas obrigas”, afirman desde a convocatoria. Advirten tamén das perdas patrimoniais que estes atrasos supoñen para os cidadáns, que deben abonar un imposto de obras pero tamén unha taxa municipal.
