Tras moitas idas e voltas, o Concllo da Coruña e a Xunta de Galicia acadaron este martes un acordo para impulsar o Novo Chuac. Así o anunciaron as dúas entidades esta mañá en rolda de prensa, na que destacaron que o obxectivo é comezar as obras comecen antes de que remate este 2023.

Unhas obras que duplicarán a superficie hospitalaria, aumentará un 15 % o número de camas e chegará a 40 quirófanos, contando cos accesos axeitados e con 1.400 prazas de aparcadoiro.

Unhas obras que afectarán a numerosas vivendas do arredor. Precisamente da expropiación ocuparase a Xunta (aseguran que ofrecendo opcións para que os expropiados poidan contar cunha nova vivenda na zona), no marco do investimento de 500 millóns de euros previsto.

Había un punto importante a solventar, xa que ao ser o Concello o titular da meirande parte dos terreos de ocuparse da expropiación, debería pasar a ser titular tamén do hospital público.

Para solventalo, o Concello mantén o investimento de 22,2 millóns, pero dedicados exclusivamente ás vías de acceso (agás a AC12 que pasará a ser autonómica), que serán de competencia municipal e, ademais de dar servizo ao Chuac, tamén serán importantes para a Cidade das TIC, para o desenvolvemento dos nosos barrios e os accesos que se xeran arredor do Novo Chuac”.