InicioA CORUÑACríticas da oposición ao goberno coruñés pola resposta 'tardía' ante a investigación...

Críticas da oposición ao goberno coruñés pola resposta ‘tardía’ ante a investigación no STL que acabou con catro detidos

Publicada o

Por europapress

Os grupos da oposición, PP, BNG e a Marea Atlántica, criticaron a resposta “tardía” do goberno local da Coruña ante a investigación no Sindicato de Traballadores de Limpeza (STL), que culminou coa detención de catro persoas, entre elas o seu máximo responsable.

Fano tras a reunión da comisión de Medio Ambiente reunida este xoves baixo a presidencia do viceportavoz do grupo municipal do PP, Roberto Rodríguez.

Nun comunicado, os populares ven “neglixencia” do goberno local “á hora de controlar a execución dos contratos millonarios, como sucede no caso STL”, sinala sobre a prestación do servizo de limpeza na cidade.

Pola súa banda, o portavoz do BNG no concello, Francisco Jorquera cualificou de “tardía, contraditoria e vacilante” a resposta dada polo goberno local.

“O Concello non ten que actuar só ante un posible dano económico, senón tamén ante o menor indicio de prácticas en servizos públicos municipais que atenten contra os dereitos fundamentais“, engade.

Pola súa banda, a Marea Atlántica incidiu en que o goberno local conta con “capacidade de control e supervisión de servizos” e non descarta que se aplicase “ese control de forma moi laxa e sen o rigor suficiente”.

ÚLTIMAS

Olladas doutro tempo: Santa Lucía

A escalinata de Santa Lucía sube dende a avenida de Fernández Latorre ata a...

Un detido na Coruña tras desarticular dúas organizacións que regularizaban fraudulentamente migrantes

Axentes da Policía Nacional, coa colaboración de Europol, desmantelaron dúas organizacións criminais e detiveron a 69 persoas, 35...

O proxecto “Aquí tamén se fala” leva un dos Premio Rosalía de Castro de Lingua

A escritora, sociolingüista, política e profesora Pilar García Negro; o movemento de renovación pedagóxica...

“La Flor de Jamón” xa ten o seu documental

Dende o ano 1962 “La Flor del Jamón” é unha das jamonerías máis miticas...