Nin a caída dun piñeiro de 30 metros puido apagar o bo ambiente da Festa da Primavera do Parque de Santa Margarita durante esta xornada sabatina quye recuperou o sabor das romarías de sempre.
Menudo susto. Caeu un piñeiro de 30 metros mentres se celebraba a feira de Primavera no parque de Santa Margarita. Non pasou nada,por sorte. A zona queda pechada ata que poidan sacalo. pic.twitter.com/UAz0GWdYaG
— Xornal da Coruña (@xornaldacoruna) April 1, 2023
Máis de 2.000 persoas encheron as mesas e a carpa para celebrar un xantar animado polo grupo tradicional Os Viqueiras. Co café xa tomaron o relevo musical as actuacións de Son d’aquí, Amizades, e Los Brincos.
No xantar as persoas asistentes podían levar a súa propia comida ou mercar un menú composto de empanada, polbo á feira, carne ao caldeiro, pan, bebida e café de pota polo prezo de 15 euros. Ademais, durante toda a xornada haberá filloas da Filloeira de Lestedo de balde.
