O plan de mellora de accesos ao complexo hospitalario da Coruña (Chuac) obrigará ao corte de tráfico durante tres días na avenida das Xubias, en concreto entre o 30 de marzo e o 1 de abril.

Trátase, informa a Consellería de Vivenda e Infraestruturas, dun corte en aproximadamente 300 metros de calzada de dobre sentido, “necesario para demoler o viaduto que dá acceso ao Chuac”.

Técnicos da Xunta e do Concello da Coruña reuníronse en varias ocasións, tamén coa participación da Policía Local, para abordar as afeccións de tráfico que comportan estas obras.

Este xoves mantiveron unha nova reunión na que se abordaron os desvíos de tráfico e as alternativas de circulación para chegar ao complexo hospitalario, “que se indicarán debidamente a través da nova sinalización e dos medios de comunicación unha vez estean realizados todos os axustes”, informa.

A Xunta anunciará a próxima semana os desvíos alternativos polo corte.