A Sección segunda da Audiencia Provincial da Coruña xulgará o vindeiro martes, día 11 de abril, ao administrador da comunidade de propietarios dun edificio de Sada por supostamente utilizar ata 66.700 euros para outros fins distintos dos encomendados.

O caso provén do Xulgado de Instrución número 2 de Betanzos e para el Fiscalía solicita ata tres anos de cárcere por un delito contra o patrimonio de apropiación indebida, así como unha multa de case 2.000 euros e a devolución do diñeiro.

No seu escrito, o Ministerio Público asegura que o home, de 77 anos e sen antecedentes penais, abusou da súa condición de administrador da comunidade de propietarios dun edificio de Sada e utilizou para outros fins diferentes cantidades de diñeiro, alcanzando unha cifra total de 66.700 euros.

Por iso, pide para el unha pena de tres anos de prisión como autor dun delito de apropiación indebida, ademais dunha multa de case 2.000 euros e a devolución do diñeiro.