InicioMOV. SOCIAISASARGA presenta o documental que reune testemuños sobre o sarcoma

ASARGA presenta o documental que reune testemuños sobre o sarcoma

Publicada o

Por editor

O documental “O Sarcoma día a día” conta co testemuño de nove mulleres, pacientes de sarcoma ou cuxos familiares sufriron esta enfermidade. “É o primeiro documental que reúne testemuños de pacientes con sarcoma”, indicou a presidenta de ASARGA (Asociación de Sarcomas Grupo Asistencial), Iara Mantiñán durante a presentación realizada esta mañá na Deputación da Coruña.

A entidade, creada na Coruña en 2020 dende varias familias afectadas, e que recentemente converteuse en asociación estatal, axuda ás familias no tratamento deste tipo de cancro, unha enfermidade rara, que supón o 1% das tumoracións malignas.

O DOCUMENTAL

Este proxecto audiovisual, baseado no libro homónimo que publicara no ano 2021, busca dar visibilidade a esta enfermidade rara e concienciar á sociedade sobre o sarcoma.

No documental faise fincapé en distintos aspectos que rodean a esta enfermidade. “O seu carácter aleatorio, tes unha vida aparentemente normal e de repente todo se trunca por esta enfermidade. O carácter aglutinador do cancro, que o engloba todo. Non só falamos dun tema médico cando mencionamos o cancro, taménp oñemos sobre a mesa o desemprego, o illamento ou as dificultades sociais. E por último, o carácter inusual do sarcoma, que alén de ser un cancro, tamén é unha enfermidade rara para a que existe pouca investigación e visibilidade”, sinalaron as responsables de ASARGA.

“As nove mulleres, cinco pacientes e catro familiares, que participan neste documental contan a historia de centos de persoas que queren ser escoitadas e deixar de ser casos illados dunha doenza invisible”, puntualizou Mantiñán, quen fixo fincapé na soidade dos pacientes ante unha enfermidade así.

O documental está protagonizado por Carolina Castiñeiras Brandón, Iara Mantiñán Búa, Raquel Rubio García (nai de Juan Antonio López Rubio), Raquel Albert, Susana Marquez (nai de Izarbe Gil Marquez), Gloria Cerezo Navas (irmá de carolina Cerezo Navas), Carmen María Marín Vera, María José Díaz Hernández e Patricia Valero Casanova (irmá de Fernando Valero Casanova). Tamén participan a doutora María Mayán, xefa de INIBIC do CHUAC, e Arabia Paredes, traballadora social de ASARGA. A peza audiovisual está dirixida por Carlos Babío e conta con guión de Carlos Ares.

“É un documental no que non se aprende sobre a enfermidade, senón sobre a vida”, recordou o guionista Carlos Ares.

A entrada á estrea do documental, o vindeiro mércores 19 de abril ás 19.00 no Teatro Colón, será gratuíta ata completar aforo.

 

ÚLTIMAS

(VÍDEO): Desaloxan varios colexios da Coruña tras recibiren sendas falsas ameazas de bomba

Mañá axitada en varios colexios da cidade. Os CEIP Zalaeta, CEIP Raquel Caamacho, o...

Máis dun centenar de obras preséntanse aos Premios Mestre Mateo, con entrega de galardóns en febreiro

Un total de 155 obras presentaron candidatura aos XXV Premios Mestre Mateo, cuxa gala...

A Coruña aposta por un Nadal “sustentable e responsable” nunha nova edición da Casa dos Xoguetes

O Concello da Coruña, a través da Oficina Municipal de Información ao Consumidor (OMIC),...

O coruñés Daniel Agra regresa ao India Photo Fest con catro fotografías

O artista galego Daniel Agra presenta catro fotografías da súa serie Tesseract Daydreams no...

DEIXAR UN COMENTARIO

Please enter your comment!
Please enter your name here