Xa hai data confirmada. O vindeiro mércores 10 de decembro, o novo Mercado municipal de Monte Alto volverá á actividade. Despois de case 3 anos de exilio na potente carpa provisional instalada na Praza de Indalecio Prieto, que este sábado abrirá as súas portas por última vez, as praceiras trasladaranse ao longo destes días (o martes traballarán a porta pechada) para que todo estea listo de cara á inauguración.
“Somos conscientes de que a construcción do novo mercado foi longa, mais tamén estou convencida de que este esforzo pagará a pena e que no futuro porémolo en valor porque contaremos cunhas instalacións de gran calidade, adaptadas ás necesidades actuais do persoal e que tamén terán un efecto tractor para o conxunto do barrio”, sinalou a rexedora Inés Rey, que lembrou que a obra supuxo un investimento de 10 millóns de euros, cofinanciado con fondos PIREP.
As obras
Mentres aínda continúan os traballos na gris explanada superior, que si que estará lista a semana que vén. Non así acontece co Gadis, o aparcamento subterráneo ou o espazo que acollerá, a partir do curso que vén, a Escola Infantil de Monte Alto, situado na esquina da rúa Cuento e Avda. Hércules, que seguen en obras.
En total, realizouse a renovación total de máis de 15.000 metros cadrados de espazos públicos, porque a actuación no mercado aparella tamén melloras en rúas lindeiras, como Joaquín González, e nas infraestruturas habilitadas na avenida de Hércules e Forcarei, entre outras.
Ademais, nos baixos do mercado tamén se habilitará un novo local destinado ás actividades socioculturais e divulgativas das entidades veciñais.
Ademais, tamén se aproveitaron os traballos na contorna do mercado para habilitar unha nova base de BiciCoruña a poucos metros do edificio.
Máis novas do barrio
Xuxán, Meicende, Os Mallos e Monte Alto estrearán 6 novas estacións de Bicicoruña
Aseguran que o Mercado de Monte Alto estará operativo a final de ano
Así será o novo Mercado de Monte Alto, cuias obras rematarán a finais de 2025
