Fai 25 anos que se derrubaba o Asilo de Anciáns de Adelaida Muro. Un servizo social construído en 1888 polo arquitecto municipal Juan de Ciorraga, que significou un gran patrimonio para a cidade. Pero tamén foi un símbolo do devir desta cidade, convertindo o lugar nunha gran urbanización de luxo cos pisos máis caros da cidade.
Ese camiño da solidariedade e o servizo social á especulación que deu a Coruña en 2001 baixo o mandando de Paco Vázquez é algo que non esquecen entidades como Defensa do Común, que recorda as manifestacións eo manifesto apoiado por 96 entidades, pedindo, cando menos, un “Monumento á xenerosidade”.
Este pasado xoves 29 de outubro, 25 anos despois daquel derrubamento, as entidades de Monte Alto quixeron render homenaxe a ese monumento, coa instalación duns carteis (xa eliminados esta memsa mañá) na nova urbanización. Manuel Monge, Xurxo Souto e Henrique Rabuñal embraron no manifesto lido naquelas datas denunciando como a especulación superou a solidariedade e a necesidade do coidados das persoas maiores.
Ao remate, a expedición desprazouse á Biblioteca veciñal do Campo de Marte, onde comentaron a nova exposición aberta que recupera a súa historia.
A entidade lembrou tamén a petición de reservar polo menos unha das plantas do novo edificio de vivenda pública que se vai construír na mesma rúa para equipamento social, respectando así o acordo do Pleno de 14 de xaneiro de 2019 de construír un Centro Social.
Artigos relacionados
Esixen a reserva dunha planta para equipamento social nas novas vivendas sociais de Adelaida Muro
Outras novas
