O ciclo cultural VANGAL de música de vangarda galega comeza este venres na Fundación Luís Seoane cunha serie de actuacións e coloquios durante a fin de semana.
6 artistas actuais do panorama do folclore galego como Fillas de Cassandra, Sheila Patricia, MounQup, Faia, Teresa Ferreiro e Laura LaMontagne e PicoAmperio actuarán na Fundación. De forma paralela, poderase ver a exposición “Colección Autóctona” de Teresa Ferreiro, ademais de diferentes charlas das artistas convidadas.
A entrada ás diferentes actuacións e actividades do ciclo é de balde ata completar a capacidade. Este é o programa:
- Venres 14 | Faia (21.00 h) e Teresa Ferreiro (22.15 h)
- Sábado 15 | Laura LaMontagne & PicoAmperio (21.00 h) e MounQup (21.00 h)
- Domingo 16 | Sheila Patricia (19.00 h) e Fillas de Cassandra (20.15 h)
Ademais das actuacións, haberá dúas charlas de Faia e MounQup baixo o título “Ta mère la saltimbanque” na que falarán sobre os procesos creativos e os coidados vinculados á nai na
música. Serán no recibidor da Fundación Luis Seoane este venres 14 e o sábado 15 respectivamente, ás 20.00 horas.
FESTIVAL RESIS
Esta fin de semana tamén arrinca o festival RESIS. Un festival que traerá de aquí a finais de maio nove concertos, sete estreas e diferentes actividades como proxeccións, instalacións sonoras…
Este xoves haberá arrincou o festival co concerto de Grapefruit Book, no Árbore da Veiga e o sábado ás 20:30h, Still actúa no Palexco.
Podedes ver aquí o programa do Festival RESIS.
FESTIVAL ITSMO
Tamén arrinca o festival de arte urbana ITSMO. A partir de hoxe podedes ir vendo os artistas traballando nas zonas escollidas para albergar os murais: a praza das Conchiñas, CEIP María Barbeito, CEIP Alborada, Escola Municipal de Música, Piscina Municipal de Riazor e CEIP Rosalía de Castro.
O festival Istmo para colocar A Coruña no panorama da arte urbana
