3.067 corredores e corredoras participarán este domingo 23 de abril na carreira popular Coruña10. O pelotón convertirase nunha marea invadindo as rúas da cidade.

A proba arrancará ás 10.00 horas desde Porta Real e transcorrerá polos Cantóns, Linares Rivas e os terreos interiores do Porto, para rematar de novo na Mariña.

Do total de persoas inscritas, competirán na categoría absoluta 2.181 persoas, e nas modalidades inferiores, 886.

Os dorsais e as camisetas pódense recoller este venres (de 17.00 a 22.00h) e sábado (de 10.00 a 21.30h) en El Corte Inglés de Ramón y Cajal. Ademais, haberá a posibilidade de recoller o dorsal o domingo no espazo que se habilitará no Parrote, a partir das 09.00 horas e ata media hora antes do inicio de cada proba.