A Patrulla do Servizo de Protección da Natureza (PACPRONA) da Garda Civil da Coruña en colaboración co Servizo de Gardacostas da Xunta de Galicia incautou de 227 quilos de ourizos, 183 quilos de berberecho e un vehículo na Pasaxe do Pedrido, en Bergondo.

Mentres realizaban un servizo de prevención do furtivismo na zona da ría de Ares-Betanzos, os garda civís observaron a descarga duns capazos e sacos de contendo ourizos desde unha embarcación á praia do Pedrido, nun vehículo.

Os gardas civís procederon a darlle o alto ao vehículo, para inspeccionar a mercadoría que transportaba, así como solicitarlle alconductor a documentación que amparase a extracción e o transportede a mesma.

Ante o requirimento da documentación, o condutor, veciño de Bergondo, manifestou que non dispuña da mesma.

A Garda Civil procedeu á confección das pertinentes actas de denuncia por supostas infraccións á lei 11/2008 de Pesca deGalicia e á incautación dos ourizos, que arroxaron un peso total de 227 quilogramos e do vehículo en que os transportaba.

Posteriormente, mentres continuaban o servizo nesa zona, os axentes observaron como unhas persoas descargaban berberechos, acudindo a ese punto para a comprobación da mercadoría e a súa documentación.

Unha vez no lugar, os gardas civís constataron que estas persoas carecían da correspondente autorización administrativa para a dita actividade, procedendo á confección das correspondentes actas denuncia á Lei 11/20008 de Pesca de Galicia e á incautación dos berberechos, que arroxaron un peso total de 180 quilogramos.