A alcaldesa da Coruña e cabeza de lista dos socialistas nas eleccións do 28 maio presentou oficialmente este mércores a súa candidatura rodeada polos 26 coruñeses e coruñesas que a acompañan na lista do PSdeG na cidade.

Fíxoo nun acto na Fundación Luís Seoane xunto ao exlíder do PSdeG e actual delegado do Goberno en Galicia, José Ramón Gómez Besteiro, e o secretario xeral dos socialistas galegos, Valentín González Formoso. Tamén da socialista e exedil Carmen Marón, que pecha a lista.

“Somos unha cidade marabillosa e cun potencial único”, indicou Rei. A candidata socialista apelou ao “cambio” na cidade durante este último mandato. “Conseguimos devolver á Coruña ao lugar que merece”, apuntou.

“Somos os socialistas os que mellor sabemos entender a esta cidade, unha cidade que recuperou a súa ambición sen complexos”, indicou nunha intervención na que dixo que a candidatura socialista que encabeza ten un proxecto “para pór en marcha a segunda gran modernización da Coruña”.

Inés Rei sostivo, por outra banda, que durante este catro anos, acometéronse investimentos na cidade, con 30 rúas peonalizadas, e aludiu tamén ao “desbloqueo” de proxectos “históricos”, na referencia que fixo ás actuacións acometidas durante este catro anos.