Socialistas e nacionalistas poderían reter a través do pacto, en principio e á espera de que se ratifiquen os resultados definitivos da cita coas urnas deste domingo, a Deputacións da Coruña.
O PP sería a forza máis votada, pero a suma de PSOE e BNG (que sumaría un deputado que perde a Marea) daría para manter a Valentín González Formoso na presidencia. Alternativa dos Veciños manterá representación.
Outras Deputacións
Finalmente, a Deputación de Lugo que dirixiu José Tomei no último mandato parece que ten opcións de seguir en mans do bipartito, que presumiblemente podería repetir tamén na cidade, pola escasa marxe dun centenar de votos que serían mal contabilizados nunha mesa do municipio de Castro de Rei.
A presidenta provincial do PP de Lugo e candidata na capital, Elena Candia, que quedou ás portas da maioría absoluta en ambas as institucións, reivindicou a súa vitoria electoral e o apoio provincial “máis alto” de Galicia, aínda sendo que dificilmente poderá tocar poder.
Si cambiará de mans a Deputación de Pontevedra, tras 8 anos de bipartito PSOE-BNG, que agora encabezaba a socialista Carmela Silva. Farao ao obter o PP tres representantes máis na institución provincial, e facerse coa maioría absoluta de 14 deputados. Así o confirmou o presidente provincial do PP, Luís López, que sinalou que o seu partido logrou 414 concelleiros e 180.832 votos.
A DEPUTACIÓN DE OURENSE, NO AIRE
O Partido Popular non logrou recuperar a maioría absoluta na Deputación de Ourense que perdeu fai catro anos, uns resultados que o presidente provincial e líder dos socialistas ourensáns, Manuel Baltar, recoñeceu que “non son os esperados”.
O ‘barón’ provincial, no foco durante esta campaña despois de ser sorprendido a 215 km/h en Zamora ao volante dun coche do parque móbil da Deputación de Ourense, compareceu ante os medios co escrutinio avanzado para confirmar que os populares non lograron o obxectivo de volver ter a maioría absoluta na institución provincial.
