O Concello de Culleredo vén de publicar no BOP do 29 de maio a Convocatoria de probas selectivas para a formación de listaxes de substitución de profesor/a de música en todas as especialidades instrumentais que se imparten no centro.

Logo de moitos meses de reinvindicacións para a cobertura de persoal docente, a ANPA O Burgo do Conservatorio Profesional de Música espera que “os trámites seguintes da convocatoria se resolvan antes do inicio do próximo curso escolar, co obxecto de garantir que a totalidade do alumnado teña as clases que lle corresponden”.

As familias e o alumnado do Conservatorio aseguran que “manterán as súas reivindicacións si é preciso, no caso de que a situación sufrida ao longo destes últimos anos non estea resolta ao inicio do curso escolar”.