InicioA CORUÑAEste sábado, numerosas actividades polo Día dos Mercados

Este sábado, numerosas actividades polo Día dos Mercados

Publicada o

Por editor

Este sábado 3 de xuño a cidade celebra o Día Internacional dos Mercados. Faino con espectáculos de showcooking e xogos infantís nos mercados municipais das Conchiñas, Elviña, Monte Alto, Ramón Cabanillas, San Agustín, Eusebio da Guarda e Durmideiras

A programación levarase a cabo en horario de mañá con actividades para os máis pequenos, con xogos en familia que terán lugar de 11.00 a 14.00 horas nos mercados municipais das Conchiñas e Elviña. As nenas e nenos, acompañados polos monitores e monitoras, poderán participar en diversos xogos de pistas con códigos QR nas instalacións do mercado. Levaranse, ademais, un agasallo.

En paralelo, e tamén de 11.00 a 14.00 horas, nos mercados municipais de Ramón Cabanillas, no barrio dos Mallos e de Monte Alto, haberá degustacións para os máis pequenos, presentando un tícket de compra dese mesmo día, de calquera importe, no mercado municipal de referencia.

Por outra banda, os mercados municipais de San Agustín e Eusebio da Guarda, na praza de Lugo, acollerán actividades musicais. Tamén haberá agasallos para as persoas participantes.

Por último, e xa a partir das 12.00 horas, no mercado municipal de Durmideiras haberá un espectáculo de showcooking. Os chefs do restaurante Pracer, Moncho Bargo e Javi Freire, amosarán ao público asistente a receita para elaborar un guiso vermello de peixe. As primeiras 50 persoas en chegar ao evento poderán degustalo de balde.

ÚLTIMAS

Nova madrugada de colectores incendiados na Coruña: 16 calcinados

A Coruña volveu a vivir unha madrugada de colectores incendiados por diferentes zonas da...

Pilar García Negro, Nova Escola Galega e ‘Aquí tamén se fala’ recollen o XV Premio Rosalía de Castro de Lingua

O coruñés Circo de Artesáns acolleu a entrega de galardóns do XV Premio Rosalía...

O Mundial 2030 na Coruña? o Concello e a Xunta piden implicación e o Dépor auséntase

O Concello da Coruña presentou este sábado cun acto no Palacio Municipal de María...

25 colectores incendiados noutra noite vandálica na Coruña

Os Bombeiros da Coruña tiveron que intervir nas últimas horas para apagar máis dunha...

DEIXAR UN COMENTARIO

Please enter your comment!
Please enter your name here