InicioM.AMBIENTE E PATRIMONIOCritican a "inactividade" municipal cos Murais de Lugrís

Critican a “inactividade” municipal cos Murais de Lugrís

Publicada o

Por editor

A asociación cultural O Mural acaba de presentar á Valedora do Pobo unha queixa sobre a “deixamento do Concello da Coruña na protección dos frescos que Urbano Lugrís pintou na rúa Olmos, 25-27 da Coruña”

“Malia a situación crítica na que se atopa o edificio, consonte o informe do propio arquitecto municipal; a necesidade dunha intervención urxente para restaurar os murais, tal e como aconsellou ó Concello a restauradora á que encomendou o estudo dos frescos; e o reiterado incumprimento da propietaria do edificio aos requirimentos municipais; a administración local aínda non exerceu a súa facultade de execución das obras precisas para asegurar a estabilidade do edificio e a conservación dos murais”, critican dende a entidade.

“Tanto a propietaria do inmoble, en concurso de acredores, como a asociación O Mural, tras comprobar que concorren todos os requisitos normativos, solicitaron que o Concello comezara as obras necesarias para evitar que se agraven os xa importantes danos que están a sufrir os frescos abandonados polos seus propietarios nunha casa cun deplorábel estado de conservación que ameaza ruína”.

Pero lamentan que xa pasaron máis de 3 meses dende de que O Mural solicitara que o Concello asumira as obras, polo que “ante a inactividade da administración, a asociación solicitou a intervención da Valedora do Pobo para que a alcaldesa xustifique a súa actitude, que está a causar graves danos no patrimonio cultural de Galicia”.

 

ÚLTIMAS

Reproches do PP e do BNG ao goberno local da Coruña

O grupo municipal do PP no Concello da Coruña reprochou ao goberno local "falta...

Nova presentación literaria na Casa Casares Quiroga

O escritor Juan Cruz regresa a Coruña da man do Ateneo Republicano de Galicia...

Unha investigadora da UDC premiada pola súa tese sobre identidades de xénero

A profesora do Departamento de Pedagoxía e Didáctica da Universidade da Coruña (UDC) Belén...

Cancelado o concerto de Diego el Cigala no parque de Santa Margarita tras ser condenado por maltratar a súa exparella

Son do Nordés comunicou a cancelación do concerto de Diego el Cigala programado para o...

DEIXAR UN COMENTARIO

Please enter your comment!
Please enter your name here