O VII Encontro Internacional Acampa pola Paz inaugúrase este venres na Coruña, nos xardíns de Méndez Núñez. Será nunha edición na que se convidará á cidadanía a reflexionar sobre o odio e a convivencia “nunha cita que converte un ano máis A Coruña en cidade refuxio”.

Exposición de fotos, charlas, programas de radio estatais como o de Carne Cruda en directo, encontros, música, visitas guiadas contacontos, obradoiros, poesía… Unha marea de actividades desenvoltas, outro ano máis, nun campo simulado, que “reproducirá o que acontece en tantos campos de persoas refuxiadas esparexidos polo mundo nos que o odio, moitas veces en forma de lume, arrasa coa esperanza das persoas máis vulnerables varadas nestes espazos sen dereitos e sen futuro”, explica a organización.

Este ano, ademais, un valado como a de Melilla “servirá para lembrar” o ocorrido o pasado 24 de xuño do ano pasado.

Ademais, fotoperiodistas nacionais e internacionais “prestarán as súas miradas sobre o odio que crece e sobre os dereitos que minguan”. Francisco Mújica ou Baltasar Garzón son dous dos relatores convidados polo Movemento Acampa para falar de odio ou convivencia.

Programa

Este venres 16 inaugurase na #Coruña o VII Encontro Internacional #Acampa pola Paz. Axenda e reflexiona connosco sobre #OdioouConvivencia. Palestras, exposicións, visitas guiadas ao campo simulado de persoas refuxiadas e un valo para non esquecer o masacre de Melilla. Aí tes todo pic.twitter.com/yn2M6DuyTI

— Acampa (@Acampa_polapaz) June 10, 2023