107 anos despois da primeira xuntanza campestre da Irmandade da fala da Coruña, este sábado 17 de xuño de 2023 a asociación de veciñal Os Rexumeiros de Elviña e Castro, o local social Tempo Novo e o colectivo lugrisán In Nave Civitas organizan a Romaría das Irmadades da Fala.
Trátas dunha recreación da xunta campestre que a Irmandade da Fala da Coruña celebrou en Elviña nos anos 1916, 1918 e 1919. Nela reuníanse xentes chegadas da cidade coa veciñanza de Elviña e de moitos outros lugares da parroquia.
Vilar Ponte, Lugrís Freire e outras ilustres galeguistas da época escolleron estás terras como símbolo dos seus ideais e as súas loitas. Cen anos após seguimos a reivindicar Elviña como terra máxica que continúa a resistir contra a invasión do cemento.
O programa arrincará ás 11:30 horas, cun roteiro com saída dos romeiros dende Vila Margarida, na casa da familia Carré [Estrada de Eirís, 46] ata Elviña.
Ás 12:30h, haberá parada técnica no local social de Tempo Novo, na Praza Emilio Jaspe Deza, 1, Elviña; para saír ás 13:00h ata As Maceiras, lugar da romaría, onde na paraxe das Maceiras se celebrará o xantar (que levará cada quen)
Na sobremesa, amenizada por músicos do país, leranse textos dos irmáns e irmás da fala.
