Óscar García Patiño repetirá como alcalde do Concello de Cambre. O concelleiro enfróntase con “ilusión e gañas destes oito anos” no que será o seu “último mandato”, segundo explicou durante o sesión de investidura.

En sesión plenaria, postulábanse como alcaldables o candidato de Unión x Cambre, Óscar García Patiño, a candidata do PP, Diana Piñeiro, e o candidato do PSOE, Diego Alcantarilla, que pediu votar elección secreta, un método rexeitado tanto por Unión x Cambre como polo PP.

Deste xeito, fixose voto nomial, acando o candidato de UxC acadou 7 votos a favor dos membros do seu grupo; Diana Piñeiro conseguiu os 5 do PP e, finalmente, Diego Alcantarilla conseguiu o apoio do seu partido, así como o de BNG e Alternativa dos Veciños. Ao non chegar ningunha candidatura á maioría,  Óscar García Patiño é alcalde en minoría como forza máis votada.
Ao remate da votación, o concelleiro explicou o sentido contrario ao seu grupo respecto da votación secreta: “en Unión x Cambre non temos medo absolutamente nada que agochar e moito menos que a cidadanía”.

Ademais, o rexedor aproveitou a ocasión para dar a benvida aos novos concelleiros que integrarán a corporación entre 2023 e 2027, a quen animou a sumarse a un traballo conxunto “colaborando corpo a corpo e antepoñendo os intereses de Cambre aos de calquera dúas partes representados neste pleno para que se leven a cabo proxectos importantes realidade”.

García Patiño enumerou, neste punto, a importancia de seguir avanzando na tramitación do Plan Xeral de Ordenación Municipal (PXOM), no inauguración do novo auditorio de Cambre, na ampliación da rede de saneamento en todas as parroquias e na construción de máis quilómetros das sendas peonís do municipio.