Esta pasada tarde de luns 19 de xuño, traballadores e traballadoras de ABAI volveron saír á rúa para protetar polo ERTE anunciado pola empresa. Como fixeron hai unha semana na zona de Matogrande, desta volta o Comité de empresa decidiu facer a concentración no Obelisco, para darlle visibilidade ás protestas.
Os protagonistas rewalizaron unha acción performativa, na que sinalaron ao verdadeiro culpable da deslocalización dos máis de 70 postos de traballo na cidade e centos en toda España afectados polo ERTE: Movistar. O COmité de empresa recrimínalle á dirección de ABAI que se negue a escotar as demandas dos traballador@s, “un xesto que confirma o desprezo e a falta de consideración que teñen os responsales da compañía cara o conxunto do persoal”.
Lembran que nas dúas últimas reunións do proceso de negociación, “a empresa non acreditou as causas do ERTE, e alude unicamente ao descenso de carga de traballo da campaña de Movistar, principalemente, algo que choca coa solicitude de ampliacións temporais de xornada ou denegación de vacacións”.
Por iso, dende o Comité inciden en que si que hai carga de traballo para todo o persoal polo que piden a retirada completa do ERTE.
Ademais, invitan á mobilización cidadá contra a deslocalización.
