A Consellería de Sanidade e o Comité Antisida da Coruña (Casco) asinaron un convenio de colaboración para realizar un proxecto piloto de prevención e detección precoz de VIH e Hepatite C en persoas vulnerables en zonas de lecer da Coruña e en eventos multitudinarios da provincia.
O acordo foi asinado este mércores polo conselleiro de Sanidade, Julio García Comesaña, e a directora de Casco, Sonia Valbuena. “Na unidade móbil vaise a facer asesoramento e prevención das enfermidades VIH e Hepatite C, así como cribados de maneira gratuíta e anónima”, indicou o conselleiro.
Valbuena, pola súa banda, lembrou que “a poboación que máis transmisións ten anualmente está nunha franxa entre os 20 e 30 anos“. Por este motivo, engadiu, este proxecto vai situar a unidade “de formación e información” nas zonas de lecer os venres e sábados, en horario de 22,00 a 24,00 horas.
