O escritor madrileño Ignacio Sainz de Medrano acaba de publicar, nos editorial Libros Indie, a novela “El Provenir”, que contará as andainas do coruñés don Ramón de la Sagra, o científico e político liberal galego que levou o azucre a Málaga.

Na ficticia localidade de Torre Pedrera (aínda que polo demais, a súa peripecia industrial sexa absolutamente histórica), don Ramón enfrontarase a un desafío colosal: crear unha moderna fábrica de azucre, cos medios técnicos máis avanzados, nunha comarca estancada no tempo.  O coruñés atoparase coa oposición das forzas máis tradicionais, opostas a todas as innovacións sociais que Da Sagra quere pór en marcha. Un compoñente de novela negra, con raíces no noso pasado máis escuro, complementa a trama.

“É unha novela coral e, en certo sentido, decimonónica“, comenta Ignacio, quen investigou durante moito tempo a vida do galego e a súa incursión no mundo do azucre, á que se lanzou tras unha longa estancia en Cuba. “Da Sagra é un personaxe dunha enerxía abafadora e dun saber enciclopédico; a pesar diso forma parte dos perdedores da Historia de España. Creo que el, e outros derrotados, merecíanse unha novela”, engade.