Centos de enfermeiras manifestábanse na pasada mañá de xoves arredor do CHUAC convocadas polo colectivo A por todas Coruña, e para protestar pola precariedade laboral, a diminución de dereitos, o aumento de ratios e carga asistencial, perda de poder adquisitivo… que levan sufrindo nos últimos anos.
Con pancartas como “Sen persoal non hai sanidade”, “Nistal queremos persoal”, “Nós cumprimos, vós non”, “Se alquila enfermera por horas”, “Dirección Dimisión”m “Stop Autocobertura” ou “Vocación, non explotación”, as profesionais demostraron a súa unidade e a necesidade de tomar medidas urxentes por parte do SERGAS.
Dende o colectivo aseguran que seguirán pelexando para conseguir melloras na contratación e no trato que se lles dá como profesionais, e lembran as principais demandas que teñen.
