O Festival BurgoJazz do Concello de Culleredo abriu esta noite de venres a súa XXII edición con gran ambiente no Xardín Botánico do Burgo. O bo tempo animou ao público a achegarse á cita, de balde, para asistir a uns concertos de calidade de jazz e os seus diferentes variantes, puidendo tamén disfrutar do Mercado Templario do Faro.

O Tributo a Grappelli abriu o xa veterano festival. É un trío especializado en jazz xitano e o jazz manouche, un referente no panorama nacional, conformando diferentes proxecto arredor destes estilos como Menilmontant Swing, Swing Machine Orchestra, Cabaret Flotando… Nesta ocasión, rende homenaxe a un dos grandes da música dos anos 30.

Charo Quicler & Grupo convertiron o Xardín Botánico no famoso Cotton Club de Nova York e que marcou a banda sonora do século XX. Temas recoñecidos por público de todas as idades que, pola súa gran calidade, segue cuberto ao longo dos anos en concertos, anuncios publicitarios, bandas sonoras e películas.

Hoxe, sábado, ás 20:30 horas a quenda de Marian Ledesma & tinaquero Brothers. Con máis de 20 anos de experiencia no escenario, Marian Ledesma, volve ás súas orixes Blues da man dos irmáns Tinaquero: Juan Tinaquero (contrabaixo) e Luis Tinaquero (guitarra), figuras indispensables da escena Blues en Galicia; esta vez para traernos eses Classic Blues que Robert Johnson, Ma Rainey, Bessie Smith, Elisabeth Cotten, Etta James e incluso Billie Holliday deixáronnos como eles legado na nosa bagaxe musical e cultural.
E ao seu remate subirase ao escenario o Cuarteto Simón García. Simón García é un ecléctico contrabaixista e compositor que traballou e gravou para artistas e conxuntos diferentes estilos. Pablo Añón é un saxofonista da escena jazzística en España. É especialista en música moderna e improvisación. Iago Mourinho (piano) formouse no música clásica no Conservatorio Profesional de Lalín e jazz no Conservatorio Superior da Coruña. Miguel Cabana (batería) Profesor da Escola Municipal de Música da Coruña é licenciada en Interpretación de Jazz con mención pola prestixiosa Guildhall School of Music and Drama de Londres.

O domingo será a quenda de Puzzle Cabinet e Udra. E o luns será o gran peche con Potato Head Jazz Band.