Os Xardíns de Méndez Núñez volverán ser epicentro cultural da cidade durante este mes de agosto. A cita anual coa Artesanía de Galicia marida á perfección coa Feira do Libro de Galicia.
MOSTRART
A feira de artesanía MOSTRART, que se celebra na Corũna dende 1985, abriŕa a śua edicíon ńumero 39 o sábado 29 de xullo, e podeŕa visitarse ata o d́ia 27 de agosto nos Xard́ins de Ḿendez Ńũnez na zona de Avenida da Marina – Cantón Grande, en horario de 11 a 14 e de 17:30 a 22 h.
A inauguración da feira terá lugar ás 12 h do sábado 29 de xullo.
Este ano Mostrart acolle a 66 artesáns profesionais en 43 casetas. Son 52 artesáns galegos e outros 16 talleres doutras comunidades autónomas e mesmo un participante de Francia.
O cartel desta edición foi creado polo recoñecido ilustrador Javier Fernández Carrera, Pintu, e representa ó deus grego Hefestos, que nunha das súas atribucións representa á Artesanía, e máis concretamente aos oficios relacionados co lume, a forxa e os metais.
Tendes todo o programa e o listado de expositores na feira en www.galegadeartesans.org/mostrart/
52ª Feira do Libro
O vindeiro 1 de agosto inaugúrase, ás 12.30 horas, a Feira do Libro da Coruña, co pregón da poeta Dores Tembras, cun programa que propón 10 días (ata o 10 de agosto) de actividades culturais na cidade.
Unha feira que chega no medio das discrepancias entre a organizadora Federación de Librarías de Galicia e o Concello da Coruña pola falta da rúbrica dun convenio formal.
Este ano participan máis dun centenar de autores, 7 editoriais, máis dunha veintena de librarías, 32 casetas e 2 carpas para actividades:
Esperan entre 120.000 e 150.000 persoas visitantes que poderán disfrutar dunha oferta cultural sen precedentes e da posiblidade de charlar cos seus autores favoritos -acompañada dun 10% de desconto- nas 32 casetas participantes. A esta programación únense os eventos programados cada tarde nas dúas carpas, que darán cabida a charlas, mesas redondas, actividades culturais e de ocio, e presentacións de libros.
