A cantante francesa Zaz actuará este luns no ciclo de concertos ‘Coruña Sounds’, posto en marcha polo Concello da Coruña nos portos de Batería e Calvo Sotelo co obxectivo de “abrir o porto á cidadanía e dinamizar a oferta cultural e musical do verán coruñés”.

Tal e como destaca o consistorio municipal, Zaz é o “gran fenómeno da música en francés” e esta será a primeira vez da artista na cidade herculina, ademais dunha do oito citas en España na súa edición de xira de verán.

O Concello informou este sábado que os concertos do ‘Coruña Sounds’ reuniron un total de 19.200 persoas nos primeiros dous concertos. A formación alemá ‘Scorpions’, a banda máis lonxeva en activo de ‘hard rock’ e ‘metal’, reuniu un total de 12.700 asistentes aos que seguiron os 6.500 de ‘Marea’, banda referente do rock estatal.

Así, este próximo luns sumarase a cantante francesa, pechando o ciclo. Aínda quedan entradas dispoñibles, por un prezo de 30 euros, en Ataquilla.com.