Estamos a unha semana do comezo do 36ª edición do Festival Noroeste Pop Rock e seguimos sen ningún tipo de información oficial. Apenas un par de bandas, as cabezas de cartel, filtradas a La Voz de Galicia, son o único aperitivo que os amantes da música e do gran festival de referencia da cidade poden paladear a estas horas.

Nin as redes do Concello nin as oficiais do festival anunciaron nada a día de hoxe. Apenas sabemos que os concertos arrincarán o 9 de agosto, esperemos mantendo o formato das prazas, e non pararán ata a noite do sábado 12 de agosto.

As únicas filtracións feitas á certos medios anuncian a chegada o venres 11 de Zara Larsson, nunha sesión pensada máis para a rapazada, e a irrupción o sábado 12 de Primal Scream, unha das grandes bandas do pop-rock internacional dos anos 90.

Esperemos pronto o Concello confirme o cartel ao completo.