O Concello de Oleiros reclamou á Xunta medidas pola presenza de xabarís en zonas urbanas. Nun comunicado, reclama “batidas e gaiolas para pór fin á situación” e argumenta que por parte da Administración autonómica están “a desatenderse os seus deberes”.

“Ademais dos riscos para a integridade física das persoas, son cuantiosos os danos provocados en parques e zonas verdes públicas, así como en propiedades persoais”.

“Tamén son numerosos os accidentes de tráfico, especialmente perigosos na Vía Ártabra“, apostila o consistorio, quen argumenta que as competencias son “exclusivas” da Xunta de Galicia.