Agrupacións de Taiwán, Kenia, Colombia e Serbia participarán desde hoxe e ata o domingo 13 de agosto, xunto coa asociación de coros e danza Eidos, no Festival Internacional de Folclore Cidade da Coruña.

A alcaldesa, Inés Rey, recibiu este mércores aos participantes no Palacio Municipal de María Pita, acompañada polo concelleiro da área de Fomento e Promoción da Cidade, Gonzalo Castro, e polo director do festival e presidente de Eidos, Javier Carro.

No certame, tomarán parte esta compañía galega, xunto con Yi Fuxín Dance Theatre (Taiwán), African Tumbas Kenya (Kenia), Outrora Integración Folclórica Colombiana (Colombia) e Kud Nikola Tesla (Serbia).

A rexedora intercambiou presentes cos representantes de cada conxunto e tivo palabras de felicitación e agradecemento pola súa presenza na cidade.