O Flores Rock, facendo cultura de barrio

Xa se coñecen os nomes que ocupan o cartel do Flores Rock 2023, logo da Festa de Presentación desta tarde, organizada polo Concello da Coruña en colaboración coa Plataforma Veciñal do Barrio das Flores. “O Flores Rock representa unha das mellores formas de facer cultura de barrio, con iniciativas como esta que nos axudan a coñecer artistas locais e levar a cultura e a música aos barrios”, sinalaron na presentación.

Boikot e Def con Dos serán o plato forte desta edición do festival, que terá lugar o 2 de
setembro no parque central do Barrio das Flores. A elas súmase como grupo estrela
Demenzia Social, banda gañadora da primeira edición da batalla de bandas do Flores Rock celebrada en xullo na sala O Túnel co obxectivo de dar a coñecer artistas locais.
Crowded e Noxxo, segunda e terceira clasificada da batalla de bandas, serán as
encargadas de abrir a xornada musical que continuará coa Paella Popular a partir das 14.00
horas. Xa pola noite retomaranse os concertos con Sol Rain e Del alma, aos que lle
seguirán Demenzia Social, Boikot e Def con Dos respectivamente.

Tamén haberá actividades para os máis pequenos no marco do Flores Kids como guitarra e
batería, xogos, actividades teóricas e dous concertos con Pako Pakolas e a exhibición dos
alumnos da academia de Rock. O horario das actividades é de 11.00 a 19.00 horas e as
familias que o desexen poderán inscribir aos seus fillos e fillas con tres horarios diferentes.

Dende as 11.00 horas ata as 14.00 horas, ata as 16.00 horas ou até o fin do campamento.
As familias que o desexen poden inscribir aos seus fillos e fillas no correo
kids.floresrock@gmail.com indicando a modalidade. O prazo de inscrición é do 16 ao 29 de
agosto para nenos e nenas de entre 4 e 12 anos.

Programación | Flores Rock, 2 de setembro

FLORES KIDS Dende as 11.00 ás 19.00 horas
11.00 a 13.00 horas | Guitarra e batería en locais de ensaio
13.00 a 15.00 horas | Concertos principais e xantar
16.00 a 17.00 horas | Concerto de Pako Pakolas
17.00 a 18.00 horas | Concerto dos alumnos da academia de rock
18.00 a 19.00 horas | Actividades varias (pintacaras, tatuaxes, clases lúdicas, xogos…)

ÚLTIMAS

O concurso da praza de “directora substituta” da Fundación Luís Seoane, novo exemplo do abandono dunha da xoias culturais da cidade

A presidenta do COAG desmonta o proceso da Fachada Marítima: “O que vexo é que a Autoridade Portuaria quere sacar rendemento económico”

O Concello presenta aos hostaleiros a proposta de nova ordenanza municipal de terrazas incluíndo o redeseño das de María Pita

6,2 millóns de euros para primeira fase de mellora de equipamentos deportivos

DEIXAR UN COMENTARIO Cancelar resposta