InicioMOV. SOCIAISPiden o fin da "caverna machista" e a "cultura da violación" no...

Piden o fin da “caverna machista” e a “cultura da violación” no deporte nunha concentración na Coruña

Publicada o

Por europapress

Unha decena de persoas concentrouse este venres na Coruña, na zona do Obelisco, para esixir o cesamento de Luís Rubiales, presidente suspendido da Real Federación Española de Fútbol, e en apoio á xogadora da selección española Jenni Fermoso.

Fixérono a pesar da choiva e cunha pancarta coa lema ‘Fóra Rubiales, fóra caverna machista e xa abonda de cultura da violación’, nunha mobilización convocada polo colectivo feminista Libres e Combativas.

En declaracións a Europa Press, a súa portavoz en Galicia, Beatriz García, cualificou de “bochornoso” o sucedido nas últimas semanas tras o que cualificou como unha “agresión” de Rubiales á xogadora española. Tamén denunciou a “impunidade coa que contan os agresores”, en relación ao sucedido na asemblea da Federación Española de Fútbol e os posicionamentos de apoio a Rubiales que houbo.

Téñense que ir absolutamente todos“, sentenciou Beatriz García, quen aludiu, ademais, a “as agresións tamén no ámbito laboral, familiar e educativo”. “Hai moitos Rubiales e os defensores deste sistema misóxino están pertrechados para que nada cambie”.

Con todo, recalcou que a “diferenza agora é a forza do movemento feminista” e, a isto, vinculou a existencia de cesamentos. “Hoxe saímos e sairemos as veces qe faga falta”, sentenciou.

ÚLTIMAS

A Coruña, provincia onde os pequenos concellos de interior votan de xeito conservador mentres a costa se moderniza

Galicia é diversa. A nosa terra é un territorio onde nada ten que ver a...

A Xunta presenta unha oferta por 35.000 euros para adquirir os murais de Lugrís da rúa Olmos da Coruña

Despois da polémica xerada entre a sociedade civil pola posta en venda dos murais...

O tempo descafeinou O Gran Camiño

Mágoa o temporal desta mañá que agriou a celebración de O Gran Camiño na...

A AMEGA descobre a historia dos medios en galego da cidade

Ademais do Festival de Música Galega contemporánea deste xoves, e para o que xa...