Seguen sendo todo un éxito as probas por barrios da campaña Coruña Corre. Este domingo, a popular Volta a Oza congregaba máis dun milleiros de persoas, convertendo a contorna do parque de San Diego nunha gran festa para nenos e adultos.
O percorrido da proba absoluta, de 6.250 metros, comezou no treito de acceso ao parque de San Diego e tras, a primeira rotonda entre a rolda de Outeiro e a avenida do Exército, seguiu pola rúa Alejandro Barreiro Noya, subindo posteriormente pola avenida da Pasaxe e a avenida da Concordia.
No seu camiño, as e os participantes pasaron tamén pola contorna do IES Monte das Moas, o parque de Eirís, a avenida de Casanova de Eirís e Antonio Ríos, bordeando posteriormente o IES de Monelos pola rúa Montes para descender, a continuación, polas sendas do parque de Oza. Xa aí comezou o treito final, con subida pola rolda de Outeiro para voltar ao punto inicial, o parque de San Diego.
Na categoría absoluta os gañadores foron Álvaro Presedo (21:51 minutos) e Inés Papín (27:29 minutos)
Quedan dúas carreiras
De aquí a fin de ano están previstas outras dous antes de que
remate o ano: a carreira popular do Ventorrillo, o 22 de outubro; e a carreira popular de
Novo Mesoiro, xa o 26 de novembro.
