O Concello da Coruña abre este venres o prazo de inscrición para que os centros escolares coruñeses participen nos máis de 60 cursos formativos de ‘Coruña Educa’. Será unha iniciativa orientada especificamente á participación dos centros escolares da cidade e que neste curso abarca unha oferta de 63 talleres e actividades ideados para nenos e mozos de Educación Infantil, Primaria, Secundaria, Bacharelato, Formación Profesional e Educación Especial.
O prazo de solicitudes estará habilitado por un mes, ata o domingo 15 de outubro, período no que os centros educativos coruñeses poderán tramitar a súa solicitude de participación nos diversos programas impulsados este ano.
