Iñaki Amatria Barral, estudante da Facultade de Informática da Universidade da Coruña (UDC), foi galardoado co primeiro premio no certame universitario de introdución á investigación científica Arquímedes, do Ministerio de Universidades. En concreto, segundo informa o reitorado coruñés, foi recoñecido na área de Enxeñaría e Arquitectura por un traballo sobre alta eficiencia para a predición extensiva de interaccións.
O premio está dirixido ao estudiantado de grao ou máster matriculado nalgunha universidade española. O premiado é graduado en Enxeñaría Informática na mención de Enxeñaría de Computadores e máster en computación de altas prestacións da UDC. O seu proxecto enmárcase na aplicación da supercomputación.
