O Consello Superior de Investigacións Científicas (CSIC) puxo en marcha hai un ano o certame “AntarticLabCSIC”, promovido desde a súa Delegación Institucional en Galicia e a Unidade de Tecnoloxía Mariña coa colaboración da Consellería de Cultura, Educación, FP e Universidades da Xunta de Galicia no marco do Plan Proxecta+ e o apoio tecnolóxico da empresa tecnolóxica Marine Instruments. A iniciativa enmárcase no “Decenio das Ciencias Oceánicas para o Desenvolvemento Sostible 2021-2030”.
Un ano despois, os proxectos seleccionados polo xurado viaxarán a mediados de novembro á Base Antártida Española, onde serán instalados e postos en funcionamento.
Entre as propostas seleccionadas atopamos 3 creadas nos centros da nosa cidade:
- “Medición da calidade do aire no interior da Base Antártica Española”, do CIFP As Mercedes (Lugo) que levou o primeiro premio;
- “MULTISENS”, do IES Monte da Villa (O Grove),
- “POSITIVÍZATE!!”, do CIFP Universidade Laboral (A Coruña);
- “Smart Person Tracking LoRaWAN”, e “Monitorización do crecemento dos liques antárticos”, ambos desenvoltos polo IES Urbano Lugrís (A Coruña).
O certame, cuxo obxectivo era dar visibilidade e poñer en valor as capacidades da Formación Profesional a través do desenvolvemento de instrumentos ou do deseño de experimentos, permitirá agora que os equipos galardoados poidan visitar o Buque Oceanográfico Hespérides, con destino á Base Atlántica Juan Carlos I.
A iniciativa estivo acompañada de visitas dos centros educativos participantes á empresa Marine Instruments (Nigrán), dedicada ao desenvolvemento de equipos electrónicos para condicións marítimos, e que deu apoio tecnolóxico aos proxectos en aspectos relacionados coa comunicación por satélite, electrónica, impresión 3D…
Información dos proxectos
“Positivízate!!” (CIFP Universidade Laboral) é un proxecto multidisciplinar e multinivel que pretende utilizar as novas tecnoloxías, especialmente programación en C++ e deseño e impresión en 3D para crear sinerxias educativas entre distintos niveis, axudando á autoestima individual e de grupo, especialmente na FP Básica.
“Smart Person Tracking LoRaWAN” (IES Urbano Lugrís) pretende contribuír á mellora da seguridade persoal, especialmente en situacións de emerxencia ou perigo. O seguimento
intelixente de persoas mediante tecnoloxía LoRaWAN ten un gran potencial para salvar vidas e reducir o risco de lesións ou danos persoais.
“Observación e control da poboación de liques antárticos” (IES Urbano Lugrís) pretende proporcionar as ferramentas auxiliares necesarias para poder realizar estudos permanentes das diversas especies de liques existentes na Antártida.
