A Xunta de Galicia e a Universidade da Coruña (UDC) abordaron vías de colaboración para atraer empresas tecnolóxicas á Cidade das TIC. Fixérono nun encontro que mantiveron a conselleira de Economía, Industria e Innovación, María Jesús Lorenzana, e o reitor da UDC, Julio Abalde.
Ambos acordaron “seguir explorando posibles vías de colaboración para continuar impulsando esta iniciativa e, especialmente, para facilitar a atracción e implantación de empresas tecnolóxicas na Cidade das TIC“, explica a Consellería. O obxectivo é configurar un polo do sector das TIC e de innovación dixital de referencia tanto a nivel nacional como internacional.
