A Xunta somete a información pública a modificación do catálogo da rede autonómica de estradas de Galicia co fin de incorporar un tramo da vía estatal AC-12 para facilitar o acceso ao novo Complexo Hospitalario Universario da Coruña (Chuac).
En concreto, incorpórase á rede autonómica o tramo entre os puntos quilométricos 1+600, na intersección da avenida de Oza coa vía de servizo, e o quilómetro 4+160, pasado a ligazón na Ponte Pasaxe. A actuación terá un investimento de máis de 24,2 millóns de euros.
Ademais, esde a última modificación do catálogo da rede autonómica –aprobada en marzo de 2023–, súmase tamén na AG-51, na autovía da Plisan, a zona aberta ao tráfico en abril deste ano.
A publicación dos documentos dos proxectos de decreto destas dúas vías públicas correspóndese co trámite polo que estas vías adquiren a condición de estradas de titularidade da Xunta, o que fai preciso a modificación do catálogo autonómico.
O trámite de información pública levará a cabo por un prazo de 20 días hábiles, contados a partir deste mércores, 4 de outubro, dado que o anuncio foi publicado este martes.
