O vindeiro sábado 14 de outubro a nova edición do AgoraSón de outono, trae como protagonista un dos grande referentes da nova era da música galega contemporánea. Boyanka Kostova en concerto encherá o auditorio do Ágora cos seus ritmos caribeños, o sábado 14 ás 21:00h no marco da celebración do Día das Bibliotecas, promovida polo equipo de profesionais do Servizo de Normalización Lingüística, coa colaboración da Rede de Bibliotecas Municipais da Coruña.

A actuación de Boyanka Kostova, un dúo compostelán que foi pioneiro no xénero do trap en galego, dá continuidade á aposta do Concello polos artistas da nosa terra en citas como o AgoraSón, que en edicións previas contou con Luar na Lubre, as Tanxugueiras e Ruxe Ruxe, entre outros.

Temazos como Diego Tristán compartirán protagonismo con esas mesturas tan nosas como Muinheira de interior.