O director xeral de Cultura, Anxo Lorenzo, inaugurou este venres a exposición ‘A Escola de Belas Artes da Coruña e Picasso”, que se poderá ver no Arquivo do Reino de Galicia ata o 15 de decembro.
A mesma supón o peche das actividades impulsadas pola Xunta de Galicia no marco da celebración do Ano Picasso, segundo precisa o departamento autonómico.
Durante o acto, o representante da Consellería de Cultura, Educación, FP e Universidades lembrou o “gran éxito” cultivado pola exposición sobre Picasso celebrada no Museo de Belas Artes da Coruña “con 50.000 visitantes”.
“Agora, ofrecemos unha nova oportunidade para que os que descoñecían a importancia de Galicia na obra de Picasso achegar a través desta mostra centrada na súa etapa académica”, sostivo Lorenzo.
A exposición inclúe máis de 150 documentos e obxectos datados entre os anos 1850 e 1920 procedentes da Escola de Belas Artes Pablo Picasso, do Museo de Belas Artes, do Instituto IES Salvador de Madariaga e do arquivo municipal da cidade da Coruña.
