O actor Viggo Mortensen estará o próximo mes de novembro na Coruña para mostrar a súa faceta como poeta dentro do ciclo ‘Poetas Di(n)versos’, onde compartirá un recital co Xosé Iglesias, o mariñeiro-poeta ceense.

O estadounidense e o mariñeiro e poeta de Cee serán os protagonistas dunha das entregas do ciclo de poesía da cidade herculina, que tamén traerá no último trimestre do ano ao Centro Ágora á estoniana Kai Aerelei e a nicaraguana Gioconda Belli.

O ciclo impulsado polo Concello da Coruña e fundado e dirixido por Yolanda Castaño, gañadora recentemente do Premio Nacional de Poesía 2023, está asentado no panorama galego como unha cita de referencia na programación cultural de Galicia.