Levaba moitos anos sen desuso a “eira” (así a chamaban) que estaba entre a Fundación Luís Seoane e a Igrexa da Orde Terceira de San Francisco. Un espazo cunhas ruínas dunha antiga edificación que necesitaba unha rexeneración, como entendía Fermín Blanco dende hai máis dunha década. Xa dende que nacera o proxecto Nenoarquitectura, que desenvolve a Fundación dende 2015, existiu a inquedanza de recuperalo, e así nacía Proxecto Eirón.

Este sábado dábase remate a unha fase do proxecto, coa apertura do Parque do Eirón (nome inventado pola rapazada que cada sábado aprenden nocións de arquitectura coa Fundación). Son 1.500 metros cadrados de áreas verdes na contorna da muralla histórica moi necesarios nunha zona como a Cidade Vella, carente de zonas de ocio verde.

O parque cumple parámetros de accesibilidade universal. O acceso ao Eirón faise a través dun pequeno bosque que dá entrada ao espazo, unha transición natural entre os edificios e a muralla. O Concello levou a cabo un investimento de 220.000 euros para completar os traballos.

A xornada incluíu ademais unha serie de actividades realizadas pola Fundación.