O Concello da Coruña vén de seleccionar as 13 imaxes que formarán parte do calendario municipal do 2024. Un certame para poñer en valor a colaboración d@s fotógraf@s afeccionad@s da cidade, que serve para realizar este prezado almanaque, que trata destacar o patrimonio cultural, histórico, natural e paisaxístico da cidade.
O xurado estivo formado polos fotoxornalistas César Quián, Víctor Echave e Pedro Puig, ademais de Andy Pérez, responsable de fotografía do Concello, a alcaldesa Inés Rey, e os membros da corporación Francisco Díaz Gallego, Roberto Coira e Francisco Jorquera.
Xunto ás 13 imaxes seleccionadas (12 para os meses do ano e unha para a portada), o almanaque completarase con fotografías históricas da cidade para cada un dos meses do ano (aos amantes das imaxes históricas recomendamos a sección de cada fin de semana “Olladas doutro Tempo”)
Se a da portada é a de Alberto Vázquez Núñez que vemos arriba, aquí debullamos o resto de imaxes:
As persoas gañadoras recibirán un libro de fotografía e un ano de acceso gratuíto aos Museos Científicos Coruñeses para dúas persoas.
