Con fachenda recolle a cidade este sábado a nova de que o director dos Museos Científicos Coruñeses se convirte no novo presidente da Asociación Española de Comunicación Científica. Unha nova demostración de que a cidade está considerada un referente da divulgación científica en España gracias ao magnífico traballo da rede de Museos Científicos (Casa das Ciencias, Domus e Aquarium Finisterrae), que xunto á sede do Museo Nacional de Ciencia e Tecnoloxía (MUNCYT-A Coruña) conforman unha excepcional oferta museística para a educación e o lecer científico.

A entidade valora tamén outras actividades como a Semana da Ciencia na Rúa (que precisamente empeza hoxe abrindo as portas do museos aos veciños da cidade), o exitoso Día da Ciencia na Rúa ou os premios Prismas á Divulgación, para nomear presidente a este físico herculino, funcionario na Casa das Ciencias dende 1997 e director dos MC2 dende 2018.