Os sindicatos CIG, UXT e CCOO convocaron este xoves unha manifestación na Coruña do persoal da empresa concesionaria da limpeza, en folga desde o pasado mes de setembro e con salarios debidos, segundo denuncian. A manifestación sairá ás 11,00 horas da oficina principal de Correos e terminará diante da Delegación do Goberno “para esixir unha solución inmedita para o persoal”, sinalan sobre as traballadoras e traballadores da empresa SCT (Limpezas J Córdoba).

“A día de hoxe, teñen catro nóminas sen cobrar e a paga extraordinaria de verán e todo fai indicar que tampouco percibirán o soldo de novembro”. Mentres, reprochan a Correos “que siga sen licitar o novo contrato, prolongando unha situación insostible”. Desde o sindicato CUT denuncian, pola súa banda, “a falta de acción e contundencia” da Inspección de Traballo a pesar das denuncias presentadas, segundo expoñen.