O evento ‘ExpOtaku’ ofertará desde este venres e ata o domingo, no recinto ferial ExpoCoruña, propostas para os seguidores do anime, cosplay e gaming. Será en horario de 10,00 a 21,00 horas, excepto o domingo que estará ata as 20,00 horas, segundo informa a organización desta nova edición.

Os seguidores do amine, cosplay e gaming volverán dispor de 5.000 metros cadrados con distintas propostas. Será coa presenza de 105 expositores de todo tipo e 80 postos dedicados ao mundo dos videoxogos.

Ademais, como en cada edición, a feira leva un amplo programa de actividades, con 280 citas ao longo do tres días, en parte pola participación de máis de 24 entidades colaboradoras. Moitas destas actividades implicarán premios para os gañadores. Na oferta haberá torneo de videoxogos, concursos de cosplay, dance cover e talleres, desde maquillaxe e máscaras a peluches e figuras de anime.