Felipe Reyes, Corbalán, Fernando Romay, Manolo Aller ou Charlie Uzal compartirán cancha o vindeiro venres 15 de decembro. Será ás 18:00 horas, no Pazo dos Deportes de Riazor, no marco do partido solidario organizado pola Fundación Diego González Rivas. Será un bo momento para disfrutar do baloncesto, pois ao remate do partido solidario desenvolverase o enfrontamento entre o Leyma Basquet Coruña e o Rioverde Clavijo, correspondente á décimo terceira xornada da Liga LEB Ouro.
O foco recae nas emblemáticas Lendas do Real Madrid, encabezadas pola lenda viva Felipe Reyes, e comandadas polo querido Fernando Romay que se enfrontará á Selección Galega de Veteranos vinculada á Federación Galega de Baloncesto, entre as que se atopa o internacional Manolo Aller e xogadores. máis vinculados á Coruña como Jose Manuel Calvelo, Charlie Uzal, Luis Montenegro ou Manu Pereira; dentro do corpo técnico Fernando Bodero ou Rafa Reparaz e árbitros como Juan Ignacio Domínguez ou Jose Carlos Rodríguez.
O evento promete ser un espectáculo de baloncesto ben divertido, dirixido polos presentadores de televisión Roberto Vilar e Rodrigo Vázquez, que pretenderá conseguir fondos para seguir levando a pioneira ciruxía non intrusiva por todo o planeta.
A Fundación Diego González Rivas leva a cirurxía minimamente invasiva a Serra Leoa e Liberia
A entidade agradece a colaboración tanto da Federación Galega de Baloncesto, do Leyma Basquet Coruña, da Xunta de Galicia, Gadis e ao Concello da Coruña, domo de entidades como Hotel Ibis, El Pulpo, Global Graphic, S2M Inmobiliaria e Transvialia.
Convocatorias
- Selección Gallega de Veteranos (Moncho Gantes Fernando Bodero Pepe Casal Rafa Reparaz Tonecho Lorenzo): Koke Rama, Julio Jiménez, José Manuel Calvelo, Popocho Modrego, Sony Vázquez, Esteban Gómez, Miguel Piñeiro, Andrés Cadahía, Charlie Uzal, Pepe Conde, Lucho Fernández, Marcos Gato, Manolo Aller, Luis Montenegro e Manu Pereira.
- Lendas Real Madrid (Juan Antonio Corbalán, Fernando Romay, Vicente Ramos, Antonio García Chain, Javier Artime): Felipe Reyes, José Miguel Antúnez, José Manuel Beirán, Eduardo Hernández Sonseca, Lorenzo Sanz, Javier Pérez, Roberto Núñez, Daniel Yusta, Antonio Llorente.
Máis novas
A Fundación Diego González Rivas compartíu a súa experiencia en África na Gala Ambrosía
