Os Bombeiros da Coruña tiveron que intervernir durante a madrugada deste martes, día 24, para extinguir o lume en seis colectores e en dous baños portátiles que arderon en diferentes puntos da cidade.

Segundo o balance dos servizos de emerxencia coruñeses, ao redor das 01.30 horas os efectivos desprazáronse á rúa Perú, números 5 e 17, e a Mestre Bernardino González Freire, 5 para realizar unha intervención. No lugar, atopáronse media ducia de depósitos ardendo simultaneamente, “cinco deles completamente calcinados”, concreta o parte de danos.

Máis tarde, sobre as 07.20 horas, os bombeiros acudiron a apagar outro lume, nesta ocasión en dous baños de obra situados na Estreita de San Andrés.